Ідэалагічная работа

Галоўныя арыенціры ідэалогіі — гуманістычныя каштоўнасці, цярпімасць, грамадзянскасць, патрыятызм, здаровы лад жыцця.

Дзяржава і дзяржаўны лад пакліканы забяспечыць структурнасць, планамернасць і змест чалавечага жыцця і развіцця канкрэтнай асобы. Дзяржава выступае ў якасці сацыяльнага інстытута, у якім чалавек асвойвае нормы паводзін і дзейнасці, усведамляе свае правы і абавязкі ў дачыненні да іншых людзей, уносіць свой уклад у сацыяльнае, эканамічнае, палітычнае, маральнае развіццё грамадства.

Баранавічы — восьмы па велічыні горад Беларусі, размешчаны на скрыжаванні буйных міжнародных аўтамабільных і чыгуначных магістраляў, адзін з найбуйнейшых прамысловых і культурных цэнтраў Беларусі.

Узнікненне яго звязана з будаўніцтвам Маскоўска-Брэсцкай чыгункі. Пачатак гораду паклала невялікая станцыя гэтай дарогі, здадзеная ў эксплуатацыю ў лістападзе 1871 года, якая атрымала сваю назву ад адной з бліжэйшых вёсак.

Афіцыйная дата нараджэння горада — 28 лістапада 1871 года.

Ад часоў пачатку 20 стагоддзя ў горадзе захаваліся некалькі старажытных будынкаў — акцызнага ўпраўлення, аптэкі Лаеўскага (у ёй адкрыты музей аптэчнай справы), пажарнае дэпо з каланчой, некалькі пабудоў сядзібы Развадоўскіх.

У спіс помнікаў гісторыі і культуры горада Баранавічы ўключаны 145 аб'ектаў. Помнікі і памятныя месцы звязаны з рознымі перыядамі ў гісторыі краю. У Дзяржаўны спіс гісторыка-культурных каштоўнасцей Рэспублікі Беларусь уключаны 17 аб'ектаў: 9 помнікаў архітэктуры, 6 аб'ектаў гісторыі, 2 аб'екты мастацтва.

Дэмакратычныя асновы беларускай дзяржаўнасці гарантуюць разнастайнасць палітычных інстытутаў, ідэалогій і поглядаў, роўныя правы для ўсіх. Прызнаны і гарантаваны неад'емныя правы чалавека. Дзяржаўная ўлада ажыццяўляецца на аснове падзелу яе на заканадаўчую, выканаўчую і судовую.

Рэспубліка Беларусь — унітарная дэмакратычная сацыяльная прававая дзяржава.

Рэспубліка Беларусь валодае вяршэнствам і паўнатой улады на сваёй тэрыторыі, самастойна ажыццяўляе ўнутраную і знешнюю палітыку.

Рэспубліка Беларусь — прэзідэнцкая рэспубліка

Кіраўнік дзяржавы — Прэзідэнт Рэспублікі Беларусь.
Прэзідэнт з'яўляецца гарантам Канстытуцыі, правоў і свабод чалавека і грамадзяніна. Прэзідэнт увасабляе адзінства народа, гарантуе рэалізацыю асноўных напрамкаў унутранай і знешняй палітыкі, прадстаўляе Рэспубліку Беларусь у адносінах з іншымі дзяржавамі і міжнароднымі арганізацыямі.

Прэзідэнт прымае меры па ахове суверэнітэту Рэспублікі Беларусь, яе нацыянальнай бяспекі і тэрытарыяльнай цэласнасці. Адной з асноўных функцый, ускладзеных на Прэзідэнта, з'яўляецца захаванне эканамічнай і палітычнай стабільнасці ў краіне.

Прэзідэнт валодае недатыкальнасцю, яго гонар і годнасць ахоўваюцца законам.

Прэзідэнт абіраецца на пяць гадоў непасрэдна народам Рэспублікі Беларусь на аснове ўсеагульнага, свабоднага і роўнага выбарчага права.

Заканадаўчая ўлада

Заканадаўчую ўладу ажыццяўляе двухпалатны парламент — Нацыянальны сход Рэспублікі Беларусь.

Ніжняя палата — Палата прадстаўнікоў, верхняя — Савет Рэспублікі .

Тэрмін паўнамоцтваў складае 4 гады.

У складзе Палаты прадстаўнікоў 110 дэпутатаў, якія абіраюцца па выбарчых акругах і прадстаўляюць інтарэсы грамадзян.

Савет Рэспублікі — палата тэрытарыяльнага прадстаўніцтва. У яго ад кожнай вобласці і горада Мінска тайным галасаваннем на пасяджэннях дэпутатаў базавага ўзроўню адпаведных адміністрацыйна-тэрытарыяльных адзінак абіраюцца па 8 членаў — усяго 56 прадстаўнікоў. Столькі ж членаў Савета Рэспублікі прызначае Прэзідэнт краіны.

Права заканадаўчай ініцыятывы належыць Прэзідэнту, дэпутатам Палаты прадстаўнікоў, Савету Рэспублікі, Ураду, а таксама грамадзянам, якія валодаюць выбарчым правам, у колькасці не менш за 50 тысяч чалавек і рэалізуецца ў Палаце прадстаўнікоў.

Выканаўчая ўлада

Выканаўчую ўладу ў рэспубліцы ажыццяўляе Урад — Савет Міністраў , які з'яўляецца цэнтральным органам дзяржаўнага кіравання.

На чале Урада стаіць Прэм'ер-міністр.

У сваёй дзейнасці ўрад падсправаздачны Прэзідэнту краіны і адказны перад парламентам. Урад складае свае паўнамоцтвы перад зноў абраным Прэзідэнтам Рэспублікі Беларусь.

Судовая ўлада

Судовая ўлада ў рэспубліцы належыць судам. Сістэма судоў будуецца на прынцыпах тэрытарыяльнасці і спецыялізацыі.

Яна складаецца з Канстытуцыйнага Суда і сістэмы судоў агульнай юрысдыкцыі.

Кантроль за канстытуцыйнасцю нарматыўных актаў у дзяржаве ажыццяўляе Канстытуцыйны Суд Рэспублікі Беларусь.

Вярхоўны Суд узначальвае сістэму судоў агульнай юрысдыкцыі і з'яўляецца вышэйшым судовым органам па грамадзянскіх, крымінальных, адміністрацыйных і эканамічных справах.

Мясцовае кіраванне і самакіраванне

Мясцовае кіраванне і самакіраванне ажыццяўляецца праз мясцовыя выканаўчыя і распарадчыя органы, органы самакіравання.