Вытворчасць самалёта “Асвей”

«Асвей» — лёгкі шматмэтавы 19-месны турбавінтавы самалёт з верхнім размяшчэннем крыла. Самалёт распрацоўваецца ў рамках Комплекснай міжведамаснай праграмы супрацоўніцтва паміж Расійскай Федэрацыяй і Рэспублікай Беларусь у галіне авіябудавання. У распрацоўцы задзейнічаны ААТ «Уральскі завод грамадзянскай авіяцыі» (г. Екацярынбург) і ААТ «558 Авіяцыйны рамонтны завод».

«Асвей» прызначаны для патрэб дзяржаўнай авіяцыі, з магчымасцю прымянення ў грамадзянскай авіяцыі, у тым ліку для камерцыйных авіяперавозак па мясцовых і рэгіянальных паветраных лініях. Перад канструктарамі пастаўлена задача стварыць самалёт, які спалучае высокую прадукцыйнасць і эканамічнасць пры перавозцы пасажыраў і грузаў на малыя і сярэднія адлегласці. Адметнымі асаблівасцямі самалёта павінны стаць выключная надзейнасць і бяспека ў эксплуатацыі, у тым ліку ў экстрэмальных кліматычных умовах.

У якасці сілавога агрэгата плануецца ўстаноўка турбавінтавога рухавіка ВК-800, бартавое абсталяванне — комплекс, распрацаваны ААТ «Канцэрн Радыёэлектронныя тэхналогіі».