8-9 чэрвеня на базе санаторыя "Чабарок" праходзіла летняя спартакіяда "Здароўе" сярод цэхаў і аддзелаў ААТ "558 Авіяцыйны рамонтны завод". У спартакіядзе прынялі ўдзел 166 чалавек у складзе 13 каманд, сфармаваных з работнікаў структурных падраздзяленняў завода.
Праграма была разнастайнай, вельмі насычанай і складалася з 9 відаў. На працягу двух дзён работнікі авіярамонтнага прадпрыемства з энтузіязмам спаборнічалі ў валейбольным турніры, дартсе, спаборніцтвах асілкаў, эстафеце "Здароўе", конкурсе "рыбалоў", настольным тэнісе, баскетболе, веласпорце. Разыначкай спартакіяды стала дзіцячая эстафета, якая падарыла яркія фарбы, незвычайны азарт і заразлівы смех. Баявы дух і воля да перамогі перапаўнялі ўсіх удзельнікаў.
У выніку ўпартай барацьбы 1 агульнакаманднае месца заняла каманда цэха №5. Другое месца ў каманды кіравання, а трэцяе прызавое месца заняла каманда цэха №1.
Віншуем каманды пераможцаў з заслужаным поспехам!
