Рамонт АТ

Вытворчыя плошчы, аснашчанасць абсталяваннем і дакументацыяй, кадравы патэнцыял прадпрыемства адпавядае патрабаванням канструктарскай і нарматыўна-тэхнічнай дакументацыі на выкананне розных відаў рамонту авіяцыйнай тэхнікі, іх камплектуючых вырабаў і дазваляе ажыццявіць поўны цыкл іх рамонту на базе ААТ «558 АРЗ».

Прадпрыемства мае вялікі вопыт рамонту (у тым ліку другога і трэцяга капітальнага рамонту), мадэрнізацыі і комплекснай лагістычнай падтрымкі самалётаў тыпу МіГ-29, Су-22, Су-25, Су-27, Су-30, верталётаў Мі-8, Мі- 17, Мі-171, Мі-24, Мі-35. За перыяд з 1981 г. па сённяшні дзень ААТ «558 АРЗ» выкананы капітальна-аднаўленчы рамонт больш за 2000 самалётаў і верталётаў рознага тыпу.

Для выканання планавага рамонту (у тым ліку другога/трэцяга рамонту) спецыялістамі распрацоўніка авіяцыйнай тэхнікі сумесна са спецыялістамі ААТ «558 АРЗ» распрацавана тэхнічная дакументацыя для выканання другога/трэцяга планавага рамонту, якая прадугледжвае выкананне вызначанага пераліку дадатковых работ і замен, выкананне бюлетэняў прамысловасці і тэхнічных заданняў (ТЗ) для падаўжэння прызначаных рэсурсных паказчыкаў.

Дэталі па дапрацоўкам і ТЗ, запасныя часткі і камплектуючыя вырабы самалётаў для выканання другога/трэцяга планавага рамонту набываюцца ў прадпрыемстваў-вытворцаў пакупных камплектуючых вырабаў і вырабляюцца на ААТ «558 АРЗ» па канструктарскай дакументацыі распрацоўніка.

Пры выкананні капітальнага рамонту, у працэсе дэфектацыі спецыялісты ААТ «558 АРЗ» праводзяць даследаванне тэхнічнага стану авіяцыйнай тэхнікі па спецыяльных праграмах, распрацаваных прадпрыемствамі-вытворцамі АТ. Па выніках даследавання спецыялісты ААТ «558 АРЗ» адпрацоўваюць акты даследавання тэхнікі і заключэнні аб магчымасці падаўжэння ім прызначаных рэсурсных паказчыкаў.

У аб'ём рамонту ўваходзіць таксама рамонт сродкаў наземнага абслугоўвання самалёта і агрэгатаў здымнага авіяцыйнага ўзбраення ў камплектацыі 1:1.

У працэсе рамонту праводзіцца замена на новыя (якія не маюць напрацовак): акумулятарных батарэй, камплекта насімага аварыйнага запасу (НАЗ), парашутных сістэм, камплекта пірасродкаў, шын.

У працэсе рамонту выконваецца вонкавая афарбоўка планёра сертыфікаванымі поліўрэтанавымі лакафарбавымі матэрыяламі.

Для забеспячэння гарантыйнага абслугоўвання на базу Замоўцы накіроўваецца група спецыялістаў ААТ «558 АРЗ» з неабходным тэхналагічным абсталяваннем і маёмасцю тэхнічнай аптэчкі.