Наша дзейнасць больш за 80 гадоў звязана з авіяцыяй. Мы валодаем усімі неабходнымі ліцэнзіямі і сертыфікатамі на права ажыццяўлення знешнегандлёвай дзейнасці.
ААТ «558 Авіяцыйны рамонтны завод» адно з нямногіх прадпрыемстваў на тэрыторыі СНД, якое аказвае шырокі спектр паслуг па рамонце і мадэрнізацыі розных тыпаў авіяцыйнай тэхнікі. Да 2020 года калектывам прадпрыемства выкананы рамонт больш за 2000 адзінак розных тыпаў авіяцыйнай тэхнікі.
Спецыялізуючыся на рамонце і мадэрнізацыі авіяцыйнай тэхнікі прадпрыемства, імкнучыся да асваення новых рынкаў, дыверсіфікуе экспарт паслуг і прадукцыі. З гэтай мэтай ААТ «558 АРЗ» пашырае віды дзейнасці, павялічвае асартымент тавараў і паслуг, удасканальвае вытворчую базу. Сёння адзін з прыярытэтных напрамкаў развіцця прадпрыемства – гэта вытворчасць дэталяў і кампанентаў для авіяцыйнай тэхнікі
З 2014 года на прадпрыемстве рэалізуецца праграма па вытворчасці дэталяў, зборачных адзінак і кампанентаў авіяцыйнай тэхнікі ў інтарэсах авіябудаўнічых прадпрыемстваў. Сёння прадпрыемства вырабляе больш за 60 найменняў агрэгатаў вадкасна-газавых сістэм для самалётаў-амфібій Бе-200 (ПАО «ТАНТК ім. Г.М. Бярыева»), у тым ліку: гідрацыліндры створак, замкаў створак, гідрацыліндры аварыйнага адкрыцця створак і замкаў шасі.
Спектр выпускаемай прадукцыі і паслуг ААТ «558 АРЗ» увесь час пашыраецца. Прадпрыемства распрацоўвае і вырабляе радыётэхнічныя сістэмы, беспілотныя авіяцыйныя комплексы, складанае стэндавае абсталяванне і КПА, арганізоўвае сэрвіснае абслугоўванне тэхнікі, займаецца праектаваннем і стварэннем цэнтраў лагістычнай падтрымкі авіятэхнікі, навучаннем персаналу заказчыкаў эксплуатацыі і рамонту авіяцыйнай тэхнікі.
Партнёрамі ААТ “558 АРЗ” з'яўляюцца больш за 30 краін розных кантынентаў свету.
